Hondarribiko musika-film laburren zinemaldia 2021 / 1. edizioa
EU | ES
AURKEZPENA
IZEN-EMATEAK
OINARRIAK
EPAIMAHAIA
KONTAKTUA
Hondarribiko musika-film laburren zinemaldia

HONDARRIBIKO MUSIKA-FILM LABURREN ZINEMALDIA

1. edizioa
2021ko abenduraren 3tik–5era
Itsas Etxea Auditoriuma
HONDARRIBIA

AURKEZPENA

Hondarribiko AMUA kultur elkarteak antolatzen dugu musika-zinema dokumentalari buruzko zinemaldia. 3 urte eman ondoren jaialdi eklektikoa antolatzen, (irratia, hitzaldiak, eztabaidak, musika –dokumental eta –filmen proiekzioa, binilo azoka, kontzertuak etab.), orain ardatz nagusia musika duten film labur formatuko proiektu zinematografikoak sortzean jartzen dugu indarra.

Hondarribiko udalaren laguntza ordainezinarekin eta babes irmoarekin zinemaldi honi ekiten diogu, kulturarentzat hain ilunak diren egun hauetan oso proiektu interesgarriak sustatu eta ezagutarazteko, bestela ez baitute ikus-entzuleengana iristeko bide errazik.

Zinemaldia gure Hondarribia hiri zoragarrian egiten da, mendi berdez inguraturiko arrantza portuan, historia, gastronomia eta kultura nonahi arnasten den herrian.

Zinemaldiak film labur eta bideoklip lehiaketarako atal ofizial bat izango du, zenbait sari kategoriarekin hornitua, baina horrez gain zuzeneko musika, Dj-ak, binilo eta DVD azoka, eta zuzeneko irratia izango ditu beste zenbait jarduerarekin batera, zinemaldiak irauten dituen egunetan.

Atseginez gonbidatzen zaituztegu abenduaren 3an, 4an eta 5ean musika eta zinema elkartzen diren ekitaldi interesgarri eta bakan honekin gozatzera.


IZEN-EMATEAK

ITXITA

Izen ematea "Festhome" web plataformaren bidez 2021eko apirilaren 1etik uztailaren 15era.

OINARRIAK

LEKUA ETA DATA

• Amua musika-film laburren zinemaldiaren lehenengo ekitaldia Hondarribian egingo da, 2021ko abenduaren 3tik 5era. Zinemaldia Amua Elkarteak antolatua da eta Hondarribiko Udal Txit Garaiaren babesa du.

LANEN EZAUGARRIAK

• Zinemaldiaren lehenengo ekitaldi honetan espainiar nazionalitateko ekoizle eta zuzendariek hartu ahal izango dute parte, baldin eta aurkeztutako lanen eskubideak badituzte.

• Hautagai bakoitzak nahi adina lan aurkeztu ahal izango ditu.

• Aintzat hartzeko, aurkeztutako lanek musika gaiak izan behar dituzte, edozein estilotan eta zentzu zabalean. Musikak argi eta garbi nagusi izan behar du, ez da nahikoa lanak soinu banda propioa izatea. Soilik soinu bandak narrazio eginkizuna badu edo gaia musikala bada onartuko da film laburra hautaketa batzordeak balora dezan.

• Bideoklipak onartuko dira, baina gainerako film laburrekin lehiatuko dira kategoria propiorik izan gabe.

• Aurkeztutako lanen gehienezko iraupena 25 minutukoa izango da. Antolatzaileek haientzat gordetzen dute iraupen luzeagoko lanak sartzeko aukera.

• Onartuko dira gaztelaniaz edo euskaraz diren lanak, edo bi hizkuntz horietako batean azpitituluak dituzten lanak.

• Antolatzaileek aurkezten diren lanen kopia bat gordeko dute; kopia hori ez da eskubidedunaren aldez aurreko baimenik gabe erabiliko, eta erabiliko da soilik irabazi asmorik gabeko kultur ekitaldietan.

• Antolatzaileek lanen zatiak erabili ahal izango dituzte (gehienez ere minutu bat) sustapen xedeetarako.

IZEN-EMATEA ETA AURKEZTEKO EPEAK

• Izen-ematea soilik Festhome plataformaren bidez egingo da (www.festhome.com/amua-festibala).

• Izen-emateko epea 2021eko apirilaren 1ean irekiko da eta uztailaren 15ean itxiko da.

• Izen-emateak dohainik da.

SARIAK ETA EPAIMAHAIA

• Epaimahaia zinearen eta musikaren munduarekin harreman profesionala duten hiru kidek osatua egongo da.

• Sari hauek ezarriko dira:

LEHENENGO SARIA, 2.000 €.

BIGARREN SARIA, 1.000 €.

HIRUGARREN SARIA, 500 €.

IKUS-ENTZULEEN SARIA, 2.000 €.

Sari hauek dagozkien zerga-atxikipenen mende egongo dira.

AZKEN XEDAPENAK

• Era berean, saritutako film laburren egilea eta taldeko kide bat gonbidatu egingo ditu Zinemaldiak, ostatu, dieta eta joan-etorri erregimenean (lurralde nazionalaren barruan).

• Izen-ematearekin batera, obren jabeek baimena ematen dute obra horiek Zinemaldian erakusteko, eta erakundeak ez du obraren egile material edo intelektualarekin edo beste edozein entitate kudeatzailerekin kontratu-betebeharrik.

• Lana aurkezteak oinarri hauek erabat onartzea dakar.


EPAIMAHAIA

aran calleja
ARÁNZAZU CALLEJA

Aranzazu Calleja 1977an jaio zen. Bibolin irakaslea izateko, Bilboko Kontserbatorio Nagusian egin zituen ikasketak. Arte ederretan lizentziatua da Euskal Herriko Unibertsitatearen eskutik. Bi ikasketa horiek egin izanak zinema-soinuaren interesa piztu dio.

Musika arloko bere prestakuntza Bartzelonan osatu zuen. Horretarako, Taller de Musics eta Pompeu Fabra Unibertsitatean aritu zen. Geroxeago, AEBko Boston hiriko Berklee College of Music ospetsuan ikasteko beka bat jaso zuen. Berlinale Talents 2014an, Berlineko Zinemaldiaren 64. edizioaren barneparte, hartzeko hautatua izan da.

Bere ikasketa-iturriak askotarikoak izateak nahiz hainbat artetarako interesa izateak ez-ohiko musikagile bilakatu dute. Bere metodologiak, gainera, istorio bati musika jartzerako orduan, bereizgarria izateko nahia islatzen du.

javier tolentino
JAVIER TOLENTINO

Javier Tolentino  Informazio Zientzietan lizentziaduna da Madrileko Unibdertsitate Konplutentsearen bidez, eta Salamankako Unibertsitatean Zuzenbidea ikasi zuen; Ez zuen Zientzia juridikoetan lizentziatura lortu, baina ez zen hiriko Serrano kaleko Zine Klubetik atera, han ulertu baitzuen zinemak bere bizitza aldatu zuela. Erredaktore lanpostua lortu zuen irrati publikorako (RNE) oposizio libreetan, kate horretako programa informatibo karismatikoenetako batzuk (Siete días, Informe Abierto, La Jornada, El Ciempiés) zuzendu ondoren, berehala kultur kazetaritzaren eta informazio zinematografikoaren alde egin zuen, eta espainiar irratian ospe handiena duen kultur programaren partaide izan da: El Ojo Crítico. Saio honek espainiar irratiaren sari garrantzitsuak lortu ditu: Ondas, Premio Nacional, etab.

Saio hauen sortzailea, fundatzailea da zuzendaria da: El Otro Cine Posible (Radio 5), El Árbol de las Palabras (Radio Exterior de España) eta El Séptimo Vicio (Radio 3); azken saio horrek hamazazpi urte daramatza irrati publikoaren kultur katean, eta Tolentinok horrekin ehun bat sari irabazi ditu, horien artean Kritikaren Saria, bere ibilbidea aitortzeko saria Donostiako Zinemaldiagatik, Puente de Toledo de Madrid saria, argitalpenaren irakurleek ematen duten Versión Original saria, eta beste asko.

ricardo aldarondo
RICARDO ALDARONDO

Ricardo Aldarondo (Donostia, 1961), kritiko zinematografikoa eta El Diario Vasco egunkariko Kultura erredaktorea da. Kolaboratu ohi du Fotogramas, Nosferatu, Rock de Lux eta Dirigido Por aldizkarietan. Informazio Zientzietako Lizentziaduna, Donostiako Nazioarteko Zinemaldiko zuzendaritza eta hautaketa batzordeko kidea eta Komunikazio burua izan da (2000-2009).

Zenbait liburu kolektibotan parte hartu du: Merian C. Cooper y Ernest B. Schoedsack; Georges Franju; American Way of Death: Cine negro americano 1990-2010; Don Siegel; Richard Brooks; Terence Davies. Los sonidos de la memoria; Henry King; Entre el documental y la ficción. El cine de Imanol Uribe; Un cineasta llamado Pedro Olea; El cine fantástico y de terror de la Universal; Diccionario de películas del cine norteamericano. Antología crítica; Cine in Spagna Oggi; Cine fantástico y de terror alemán (1913-1927); American Gothic, el cine de terror USA 1968-1980 eta Teen Spirit. De viaje por el pop independiente.


AMUA CLUB

AMUA CLUB kultur ekitaldiak ulertzeko modu ezberdina da, entzule guztiei zuzendutako musikari eskainitako gunea, kontzertuez haratago doazen jarduera ugari biltzen dituen proiektua. Musikara hurbiltzeko beste modu bat da.

Gure kultur proiektuaren abiapuntua 2018. urtean sortua da. Programazio eklektiko bezain pedagogikoarekin ahaleginak egiten ditugu musika hainbat ikuspuntutatik lantzen. AMUA KLUBak jarduera ugari biltzen ditu: zuzeneko irratia, binilo azoka, podcast-ak, hitzaldiak, eztabaidak, film dokumentalak, film laburrak, DJ-ak, tailerrak, estreinaldiak, bideoklipak, eta beste hainbat ekimen. Musikarekin gozatu eta ikasteko bidea ematen duen edozein formatu ongi etorria da gure proiektuan.

AMUAren azken ekitaldietan genero, artista edo ikus-entzunezko formatu baten inguruko saio monotematiko bereziak egin ditugu. Eta ildo horretatik gabiltza. Elvis Presley-ren inguruko musika, rumba katalana, bideoklipa… urte hauetan horietan jardun dugu ederki gozatuz.

AMUA RADIO

AMUA RADIO tailer gisa jaioa da, eta bertan musikarekin esperimentatu, ikasi eta gozatzen dugu, gehien gustatzen zaigun formatuetako batean. Gure proiektuaren funtsari jarraituz, AMUA RADIO eklektikoa, parte hartzekoa eta didaktikoa da.

Bertan DJ, hainbat musikari eta melomanok eta laguntzaile ugarik hartzen dute parte, guztiak ere proiektuaren aberasgarri, ikuspuntu ezberdinak ematen baitituzte gai beraren inguruan. Gainera irrati bizia eta dinamikoa da, irrati-saio bakoitzean egitura, sekzio, eta irrati-gintza modu ezberdinak sartzen ditugu eta. Elkargunea da saio bakoitzean liluratuak egon nahi duten guztientzat, musikarekin, eta bere historia eta gorabeherekin ondo pasatu, ikasi eta gozatu nahi duen ororentzat.


KONTAKTUA

Zalantzarik edo iradokizunik baduzu, ez izan zalantzarik gurekin harremanetan jartzeko, idatzi mezu elektroniko bat helbide honetara:
amuahondarribia @gmail.com

IG: @amua_festival


AMUA YOUTUBE


ANTOLAKETA
KOLABORATZAILEAK

AMUA